ПЛАТФОРМА « ПРАЦОЎНЫ РУХ»

Мы - звычайныя людзі нашай любімай Краіны, рабочыя і служачыя розных арганізацый, якія не змаглі змірыцца з беззаконнем, што адбываецца навакол. 

Намі было прынята рашэнне прыкласці ўсе магчымыя намаганні для кансалідацыі грамадства, распрацаваць план і інструмент па зрушэнні аўтарытарнага рэжыму.

«Рабочы Рух» - гэта ініцыятыва аб'яднання працуючых людзей Беларусі для абароны сваіх грамадзянскіх і працоўных правоў і свабодаў.

Аб'яднанне грамадзян для забеспячэння іх бяспекі ва ўмовах прававога дэфолту ажыццяўляецца пры дапамозе зашыфраванай API платформы з аднайменнай назвай.

Незалежна ад падтрымкі ці супрацоўніцтва з рознымі ініцыятывамі, адзінае і галоўнае прыняцце рашэнняў «Рабочага Руху» застаецца за аб'яднаннем работнікаў арганізацый і ўстаноў Рэспублікі Беларусь.

Кожны ўдзельнік платформы «Рабочы Рух» выказвае згоду з тэрмінамі і азначэннямі, прадстаўленымі ў апісанні, а гэтак жа з тым, што яго ніхто не прымушае да ўдзелу ў рабочым руху і наступнай стачцы.

Сябрам «Рабочага Руху» забараняецца прымушаць да адмовы ад удзелу ў руху іншых удзельнікаў.

ЗАДАЧЫ І СПОСАБЫ ДАСЯГНЕННЯ МЭТЫ

Нашай першпачатковай задачай з'яўляецца аднаўленне дэмакратычных правоў і свабодаў у краіне, у тым ліку шляхам агульнанацыянальнай стачкі, як найбольш дзейснага і бяспечнага механізму, даступнага працоўным.

Як толькі агульныя патрабаванні Народа Беларусі будуць выкананы, для аднаўлення правоў і асноўных свабод чалавека «Рабочы Рух» будзе дамагацца:

​

• уліку меркаванняў і абароны сацыяльна-эканамічных інтарэсаў рабочых у пераходны перыяд;

• прывядзення працоўнага заканадаўства ў адпаведнасць з канстытуцыяй і нормамі міжнароднага права;

• перагляду кантрактна-дамоўнай сістэмы найму;

• рэфармавання сістэмы аплаты працы;

• забеспячэння ўмоў бяспечнай працы;

• скасавання падкантрольных дзяржаве і пабудовы па-сапраўднаму незалежных прафсаюзаў;

• іншыя рэформы, якія закранаюць інтарэсы працоўных.

​

Для выканання пастаўленых мэтаў і задач «Рабочага Руху», у першую чаргу просім Вас:

• рэгістравацца на платформе;

• інфармаваць калег аб існаванні дадзенай ініцыятывы;

• быць актыўным удзельнікам платформы і выконваць усе рэкамендацыі.

Маштабнае аб'яднанне на платформе дасць магчымасць:

• бяспечна ажыццяўляць інфармацыйную падтрымку і падрыхтоўку да стачкі;

• выбудоўваць лакальныя гарызантальныя сувязі;

• каардынаваць дзеянні сваіх сябраў на міжрэгіянальным, і рэспубліканскім узроўнях;

• спрaсціць і палегчыць атрыманне дапамогі для ўдзельнікаў стачкі пры ўзнікненні такой неабходнасці.

НАШЫ ПАТРАБАВАННІ